Мала е реализацијата на Проектот со кој се предвидени мерките за самовработување со кредитирање, за кредитирање правни субјекти за отворање нови работни места, за самовработување со кредитирање за млади лица до 29 години и за кредитирање правни субјекти за отворање нови работни места за млади лица до 29 години, оцени Владата на вчерашната седница.
Владата, како што соопшти нејзината прес-служба, ја задолжи Агенцијата за вработување во рок од 40 дена да изготви заклучок и анализа со точни и прецизни податоци, изразени преку бројки, за да се добие јасна слика за досегашната имплементација на овој проект, стои во информацијата.
Воедно е сугерирано Агенцијата да искористи дел од планираните средства за поддршка на владините планови за измените и новите идеи во рамки на овој проект.