Важно е да се работи итните реформски приоритети кои беа договорени пред две години да се имплементираат, изјави за Макфакс еврокомесарот за проширување, Јоханес Хан, кој учествува на бизнис форумот кој се одржува во Трст, во рамките на Самитот на ЕУ за Западен Балкан.
„Економската соработка треба да му помогне на Скопје да се интегрира во еден поголем пазар од 20 милиони луѓе и ова треба да го направи регионот поатрактивен за странските инвеститори. Ова ќе ја стимулира економијата, ќе создаде работни места и ќе ја подготви земјата за членство во ЕУ. Важно е да се работи итните реформи приоритети кои беа договорени пред две години, тие да се имплементираат и за ова постои голема поддршка“, вели Хан.
Според него, во заеднички интерес е земјата да го оствари неопходниот напредок.