Директорот на ХБО каналот, Кејси Блојс изјави дека последната, осма сезона од серијата „Игра на престоли“, најверојатно ќе се емитува една година подоцна од предвиденото.
Блојс истакна дека публиката последната епизода од серијата ќе може да ја гледа во 2019 година.
– Се зависи од распоредот поврзан со продукцијата. Ќе имаме подобра претстава за тоа кога Дејвид Бениоф и Д. Б. Вахс ќе го завршат поголемиот дел од сценаријата, посочи Блојс.
Седмата сезона на „Игра на престоли“ ќе почне да се емитува на 17 јули годинава.