Информативна сесија на тема „Права и обврски кои произлегуваат од Законот за работни односи и колективни договори”, беше реализирана денеска во Кавадарци.
– Целта е да се информираат малите, средните и микро компаниите во Република Македонија за сите права и обврски кои произлегуваат од овие закони, во три области – животна средина, даноци и царини и работни односи и колективни договори, заради јакнење на јавно приватниот дијалог и подобро работење на компаниите, рече Ирена Мојсовска, претставник на Стопанска комора на Македонија.
Таа појасни дека станува збор за четиригодишен проект на УСАИД партнерство за подобра регулатива. Имплементатор и партнер во проектот е консултантска куќа од Скопје, заедно со Стопанска комора на Македонија, Стопанската комора за информатички технологии МАСИТ и Стопанската комора на северо западна Македонија.