Во Овчеполскиот регион горат 20 хектари борова шума. Командирот на светиниколската Противпожарна единица, Зоран Трајчев вели дека пожарот е во атарот на селото Милино во Општина Лозово, а дојавата за пожарот ја добиле околу 11 часот.
Тој истакна дека во моментов на терен се 10 пожарникари и две возила.
Огнените јазици имаат зафатено борова шума, која е стара неколку децении, а ветерот дополнително им прави проблеми, со што огнот се шири со голема брзина и на крошните кои не се зафатени.
За овој пожар информирани се и надлежните во Дирекцијата за заштита и спасување, се бара да се интевренира и со ер тракторите, со цел да не се прошири пожарот и на други површини.
