Територијалниот интегритет на Турција во следната деценија може да биде загрозен поради можното создавање на Курдистан. Оваа прогноза се содржи во најновиот извештај на Националниот совет за разузнавање на САД за состојбите во светот во 2030 година.
Едно од шесте можни сценарија, разгледани во извештајот, предвидува појава на Курдистан, што ќе го засегне територијалниот интегритет на Турција и носи ризик од расцепување на нејзината територија.
Според извештајот, Турција исто така ќе игра се позначајна улога на меѓународната сцена и ќе има поголемо влијание врз глобалните прашања.
Во текстот се напоменува дека европските земји би требало да ја земат предвид можноста за присоединување, како и преговорите за членство на Турција во ЕУ.
Освен тоа, заедно со земји како Колумбија, Египет, Индонезија, Иран, Мексико и Јужна Африка, Турција ќе забележи економски процут.
Економиите на Европа, Јапонија и Русија, од друга страна, веројатно, ќе го продолжат бавниот прогрес, прогнозира извештајот.