Германската национална авиокомпанија „Луфтханза“ денеска откажа 90 летови поради штрајк на аеродромското обезбедување.
Синдикатот „Верди“ организира штрајк и ги повика вработените во обезбедувањето на аеродромите во Франкфурт, Берлин и Дизелдорф од раните утрински часови до пладне да се вклучат на предупредувачкиот штрајк.
„Верди“ бара продолжување на договорите за работа и намалување на работните смени за службениците на аеродромите, се наведува во соопштението.
Штрајкот дополнително ја влошува и без тоа тешката ситуација, бидејќи од изутринава се откажани повеќе од четвртина од летовите од аеродромот во Франкфурт поради снежни врнежи, додека „Луфтханза“ откажа најмалку 258 летови.