Директорот на Мисијата на УСАИД, Џејмс Стајн и градоначалникот на општина Делчево Дарко Шехтански денеска ќе го означат завршетокот на изградбата на новата атмосферска канализација во урбаната населба „Милково Брдо” што ќе го намали ризикот од поплави кои можат да бидат предизвикани од екстремни временски појави.
Канализацијата се реализира преку Проектот на УСАИД за општински стратегии за климатски промени што го спроведува Милиеуконтакт Македонија. Станува збор за четиригодишна иницијатива, вредна 2,8 милиони американски долари, која го зајакнува капацитетот на општините да се подготват за и да ги адресираат локалните предизвици кои произлегуваат од ефектите поврзани со климатските промени.
Активностите на проектот, што ќе заврши на крајот на месецов, се фокусирани на десет општини: Пехчево, Теарце, Богданци, Кривогаштани, Маврово Ростуше, Боговиње, Студеничани, Виница, Прилеп и Делчево.