Романскиот Парламент денеска едногласно го поддржа планот на претседателот Клаус Јоханис за организирање референдум за антикорупциските реформи, по масовните протести кои ја принудија Владата да ја повлече спорната уредба за декриминализација на одделни случаи на корупција.
Гласањето на Парламентот е вообичаена процедура, но неговото мислење за одржување на референдумот не е обврзувачко.
Шефот на државата, кој е поранешен член на десничарската опозиција, упати критики до Владата поради уредбата, со која се штитат десетина јавни функционери од кривично гонење.
Јоханис сега треба да одлучи кога ќе се одржи референдумот.