Еден од лидерите на сепартистите во источна Украина е убиен денеска во Луганск, при експлозија на бомба поставена под неговото возило, јави ТАСС.
Како што соопшти претставникот на сепаратистичките власти во Луганск, Андреј Марочко, „началникот на народната милиција на Луганската Народна Република“, Олег Анашченко загинал кога експлодирал автомбилот што тој го управувал.
Марочко изјави дека станува збор за „атентат“ зад кој најверојатно стојат украинските специјални служби.
– Овој терористички акт веројатно е извршен од украинските специјални служби со цел да се дестабилизира состојбата во Републиката – изјави Марочко.
Убиството на Анашченко доаѓа во време на нова ескалација на судирите меѓу украинските сили и сепаратистите во источна Украина.