Дваесет и четири годишна девојка со умерена ментална попреченост од општина Пласница вчера во полициската станица во Кичево пријавила дека нејзиниот 55 годишен татко неколкупати и извршил обљуба.
Осомничениот е лишен од слобода и против него по целосното расчистување и документирање на случајот ќе биде поднесена соодветна кривична пријава, информира Министерството за внатрешни работи во редовниот Билтен.
Според пријавата, таткото ја силувал ќерката во нивниот дом во последните два месеца, а последен пат завчера околу 06:40 часот.
По увидот од екипите на надворешната канцеларија за кривични работи Кичево за случајот е известен кичевскиот Центар за социјални работи, извршен е разговор со девојката и е однесена на гинеколошки преглед во Општата болница Кичево.
