Рускиот новинар Александар Шчетинин е пронајден мртов во својот стан во Киев, соопшти украинската полиција.
Како што се наведува во соопштението, Шчетинин е пронајден мртов на балконот со прострелна рана во главата, а се претпоставува дека смртта настапила во саботата вечер.
На местото на злосторството пронајден е пиштол со соодветни куршуми, а влезната врата била заклучена.
Полицијата би можела овој случај да го прогласи за самоубиство, со оглед на тоа дека е пронајден еден мејл кој Шчетинин им го испратил на своите пријатели, а во кој говори дека размислува за самоубиство.