Поранешен телохранител на Никола Груевски, Д.М. доцна синоќа во Кисела Вода кај Рампа поминувајќи преку две полни линии згазил 22 годишно момче кое со мотор возело кон кафената Ив кај Чешма во Кисела Вода.
Очевидец за А1он вели дека Д.М. со својот автомобил бил паркиран на земјениот паркинг спроти казиното Астра во Кисела Вода, а кога вртел полукружно го згазил мотоциклистот. При ударот со возилото, возачот на моторот се удрил во билбордот пред казиното, а моторот летнал во месарата веднаш до казиното. Очевидецот тврди дека Д.М. кој го управувал возилото, излегол од автомобилот, бил тука, а пред да пристигне брзата помош го снемало.
А1он дојде и до документ по приемот во Градска болница каде се чита дека возачот на моторот е примен со тешки телесни повреди и е во животна опасност.
Иако се обидовме да контактираме со МВР, од таму не беа достапни да дадат повеќе информации за настанот, освен петте реда во дневниот билтен.
Александар Тодески