Земјите членки на НАТО се согласни на Турција да и испорачаат ракети „Патриот“, што ќе бидат разместени долж границата со Сирија, а разговорите за ова прашање се во завршна фаза, изјави денеска турскиот министер за надворешни работи Ахмет Давутоглу, цитиран од британските медиуми.
„Земјите од НАТО, кои имаат ракети „Патриот“ се познати. Ние постигнавме спогодба со овие земји. Официјалната молба ќе биде подготвена што е можно побрзо“, изјави на прес конференција турскиот шеф на дипломатијата.
Тој дополни дека во моментов тече интензивна допломатска активност за ова прашање и дека разговорите се во својата финална фаза.