Водечкиот скандинавски авиопревозник САС избегна банкрот откако денеска со сите осум синдикати потпиша нов колективен договор, со кој се предвидува укинување на работните места и намалување на платите и пензиите поради повторно воспоставување на конкурентноста и профитабилноста на компанијата.
Седум синдикати од Шведска, од Норвешка и од Данска веднаш го одобрија планот за штедење, но данското здружение на кабинскиот персонал ЦАУ, поголемиот дел од денот остана на страна.
За САС, во кој владите на Шведска, на Норвешка и на Данска имаат половина сопственост, беше неопходно синдикатите да го потпишат планот за реструктурирање за да се задоволат сопствениците и кредиторите.
Компанијата последните години има голема конкуренција од евтините регионални авиопревозници, а новите мерки за намалување на трошоците ќе придонесат за зајакнување на на конкурентноста и профитабилноста на компанијата.
Планот за реструктутирање, што беше претставен минатата недела предвидува укинување на 800 административни работни места, како и намалување на 15.000 работни места на 9.000.