Навивач на Северна Ирска (24 години), починал за време на Европското првенство во градот Ница, каде неговата репрезентација вчера играше против Полска.
Британските медиуми известија за трагичниот случај, повикувајќи се на француски извори. До несреќата дошло по дуелот во Ница, кој е прв во историјата за Северна Ирска на европските првенства.
Француската полиција наводно ја потврдила информацијата за смртта, а наводно навивачот паднал непосредно пред смртта.
„Голем број на луѓе беа во центарот на градот, пиеја многу алкохол, кога еден навивач падна. Жртвата веднаш беше пренесена во болницата во Ница, но набрзо почина“, велат од полицијата во Ница.