Изминатата недела на телефонската линија за медицински совети „Ало докторе!“ помош побарале 1.271 лице, а од почетокот на проектот се реализирани вкупно 95.312 повици, информира Здравствениот дом Скопје.
Вкупно 25 доктори се достапани за медицински совет за граѓаните од сите градови на Македонија, а линијата е отворена секој ден 24 часа.
Како што се наведува во соопштението, јавувањата најчесто се за покачен крвен притисок, главоболки, настинки, алергиски реакции и симптомна болка. Сите лица побарале медицински совет на телефонската линија „Ало докторе!“ добиле здравствена помош со совет и соодветна симптоматска терапија.