Украинската Влада ги помилува двајцата руски заробеници за да ги замени за украинскиот пилот Надја Савченко, а за таа цел украинскиот претседател Петро Порошенко полета за рускиот град Ростов на Дон, каде треба да се изведе размената, јави Танјуг.
Руските агенци наведуваат дека во авионот заедно со Порошенко се наоѓаат и двајцата руски заробеници.
Савченко во Русија е осудена на 22 години затвор за учество во убиство на двајца руски новинари.
Таа ќе биде заменета за двајцата руски државјани, Јевгениј Јерофеев и Александар Александров, кои суд во Киев во април ги осуди на 14 години затвор заради терористички активности.
И Јерофеев и Александров, за кои Киев тврди дека се руски војници, ги негираат злосторствата за кои се осудени.