Две непознати лица денеска го киднапирале синот на директорот на Националната банка во Халкида. Петнаесетгодишното дете е киднапирано додека одело на училиште.
Очевидците тврдат дека непознатите лица го запреле детето околу осум часот изутрина, го присилиле да влезе во нивниот автомобил и избегале. Киднапирањето го виделе неговите соучениците и случајните минувачи.
Таткото на детето е директор на филијалата на Националната банка во Халкида. Откупот кој му е побаран од киднаперите изнесува неколку милиони евра. Случајот го истражува грчката полиција.