Претседателот на Косово Хашим Тачи изјави денеска за време на состанокот со делегацијата од ЕП за југоисточна Европа дека Приштина ќе го продолжи дијалогот со Белград, како и дека ќе ја зајакне борбата против корупцијата и организираниот криминал.
Тачи истакна дека 2016 година е европска година за Косово и силна основа за државата, што покрај останатото, придонесе за усвојување и спроведување на Спогодбата за стабилизација и придружување, јави сајтот РТК, пренесува танјуг.
Тој истакна дека најголем успех бил исполнувањето на сите услови за либерализација на визите и вети дека Косово ќе ги исполни и останатите услови за тоа, како што се формирање на Заедница на општини со српско мнозинство и ратификација на демаркацијата на границата со Црна Гора.
– Ова се позитивни денови за Косово и што се однесува на зачленувањето на нашата држава во УЕФА и ФИФА, бидејќи се случуваат важни чекори за европската иднина и интеграција на Косово во сите меѓународни институции, наведе Тачи.
На состанокот со делегацијата на ЕП за југоисточна Европа, на чело со пратеникот Тонино Пицула, се разговараше за петте земји членки на ЕУ кои не го признаа Косово, а Тачи рече дека Косово на тие земји, им дава дополнителни аргументи да го направат тоа.