Рускиот претседател Владимир Путин е здрав и нема сериозни спортски повреди, изјави рускиот премиер Дмитриј Медведев.
Во интервју за финските медиуми, на прашањето за здравјето на Путин, Медведев одговори дека „не е лекар“. На повтореното прашање, тој возврати дека „секој има право да води сметка за своето здравје“ и додаде дека и претседателите и премиерите мораат да вежбаат за да бидат во добра форма.
И претседателот Путин мора да спортува за да биде во форма. Тој е жив и здрав, и се е во ред со него“, рече Медведев.
Портпаролот на Путин неодамна потврди дека претседателот имал некоја стара спортска повреда, но таа не влијае на неговите работни активности.