Судот во Индија донесе одлука според која нарекувањето на сопругот „дебел слон“ се смета за доволна причина за законски развод на брак.
Високиот суд во Индија го усвои барањето на локалниот суд со што се одобрува разводот на брак со образложение дека се работи за „ментална суровост“, јави Би-Би-Си.
Барањето е поднесено од 35-годишен бизнисмен, со 100 килограми тежина.
Тој изјави дека сопругата го понижила со тоа што го нарекла дебел слон, поради неговата прекумерна тежина, која била причина тој да не може да ги задоволи нејзините сексуални желби.
Судот во Индијаобјави дека „нарекувањето на сопружникот со име како „слон“ е удар врз самопочитувањето“.
Правниот бранител на мажот во изјава за медиумите појасни дека „очиледно е дека неговиот клиент е чувствителен на такви испади и дека потсмевањето мора да биде казнето без оглед на тоа дали е изречено од љубов, наклонетост или злоба“.
Сопругата рече дека наводите на нејзиниот сопргу се „нејасни и непрецизни“, но судот го одби нејзиниот аргумент.