По потпишувањето на Повелбата со која повеќе од 90 медиуми се обврза дека ќе ги почитуваат принципите за професионално известување 11 медиуми го прекршиле Кодексот за етичко известување, информира претседателот на Комисијата за жалби на Советот за етика на медиумите, Мирче Адамчевски.
– Комисијата за жалби работеше на над 20 жалби, од кои во 11 основа за поднесување беше неточно и нефер известување, клевета и нарушување на приватноста. Во шест жалби основа беше неточно етичко и нефер известување и клевета, во четири жалби тоа беше неточно и нефер известувањсе, а за една жалба основа беше неточното известување, изјави Адамчевски.
Тој нагласи дека ќе продолжат да го следат почитувањето на повелбата и кога ќе ги соберат новите податоци повторно ќе ги објават во јавност.
Ги повика новинарите да ја почитуваат етиката, а јавноста и граѓаните слободно да се обраќаат до Советот за етика во случај на кршење на професионалноста и етиката во медиумите.
