Хрватскиот државен врв се согласи дека е потребна апсолутна контрола на границата, а премиерот Тихомир Орешковиќ изјави дека војската ќе интервенира доколку е потребно.
Шефот на државата Колинда Грабар Китаровиќ истакна дека е неопходна целосна контрола на хрватската државна граница, што не значи нејзино затворање, ниту нехумано однесување кон мигрантите, туку претставува заштита на националната безбедност.
– Во овој момент не можам ништо посебно да коментирам. Кога станува збор за мигрантската криза, останува она што го зборував на самиот почеток, а тоа е апсолутно целосна контрола на границата, нагласи хрватската претседателка.
Таа додаде дека тоа значи заштита на националната безбедност, но и на мигрантите, кои се често мета на тероризам и терористички напади.