Дипломати од Турција и Грција утре ќе ги обноват преговорите за решавање на спорните парашања за границата меѓу двете земји во Егејското Море, објави денеска турскиот весник „Хуриет Дејли Њуз“.
Последниот круг разговори се одржа пред повеќе од една година.
Во соопштението од турското Министерство за надворешни работи се наведува дека 59. круг од преговорите ќе се одржи утре во Истанбул. Средбата се организира по дијалогот меѓу премиерите на двете земји, кои се договорија за обновување на преговорите.
Последниот круг од разговорите беше на 13 септември 2013 година во Солун.
Турција и Грција имаат спор за границите на територијалните води, крајбрежниот појас и границите на воздушниот простор над Егејско Море.