Украинскиот претседател Петро Порошенко денеска апелираше за воспоставување на „вистинско примирје“ во прорускиот сепаратистички источен дел на земјата.
– Присуствуваме на целосна тишина во првата недела од октомври. Ниту еден истрел. Тоа веќе не е прекин на огнот туку вистинско примирје, изјави Порошенко.
Но, тој додаде дека војната „се уште не завршила“.
– Војната ќе заврши кога ќе биде ослободена од рацете на непријателот, на окупаторот секоја педа од украинската земја, посочи Порошенко.
Над 8.000 луѓе се жртви на конфликтот во Источна Украина што избувна во април 2014 година.