Советот на ЕУ за правда и внатрешни работи постигна договор за распределба во две фази на 120 илјади мигранти, јави БТА.
Првата фаза вклучува итно дислоцирање на 66 илјади мигранти, кои пристигнале во Грција и Италија. Втората фаза предвидува 54-те илјади мигранти, кои мораа да бидат раселени од Унгарија, да бидат третирани како „итна квота“. Ваква квота ќе можат во следните две години да користат земји од ЕУ, во кои настапила вонредна ситуација со миграциските бранови.
За да биде активирана оваа втора фаза, ќе биде потребен нов предлог на Европската комисија што е предмет на одобрување од страна на Советот на ЕУ.
Извори од Советот прецизираа дека денешниот пробив во постигнување решение е направен, откако Полска ги повлекла своите првични приговори.