Дневни аваз – Сараево
Историскиот успех на кадетската кошаркарска репрезентација на БиХ, која ја освои титулата на европски првак, до толку е поголем ако се знае дека спортот во БиХ се финансира на лажиче и дека нема системски пристап кон спортот. За да се промени односот на власта кон спортот и спортистите, од корен мора да се менува досегашната пракса и регулатива на која се потпираше финансирањето на спортот.
За нив има
Факт е дека спортот, посебно тој врвниот кој го демонстрираат кадетските прваци на БиХ не може да зависи од тоа, кровните спортски организации и сојузи секоја година кај Министерството за граѓански работи, како што моментално е регулирано, да аплицираат за да добијат буквално ситна пара за своето постоење и делување, пишуваат босанските медиуми.
-Бидејќи, како поинаку да се нарече износот од 952.000 КМ колку што е наменето во оваа година за финансирање на сите нивни трошоци. Ако се знае дека државата не се грижи, како што во овој случај ги поминаа изминатите осум месеци.
Спортот барем оној врвниот, не е внесена ставка во буџетот, туку само грант за кој секогаш е проблем кој ќе го добие и токму тоа е една од најголемите кочници на неговиот понатамошен развој.
И додека политичарите од власта ги оправдуваат малите издвојувања кон вистинските амбасадори на БиХ, со актуелни законски решенија истовремено од сите буџети во БиХ немилосрдно грабаат за своите потреби и трошат наши пари.
Цена од неработењето
Срамота е во државните институции годишно да се потроши износ од 3,5 до 3,7 милиони КМ на репрезентации или пијалоци, што е четири пати повеќе од издвојувањето за спортот. Или што само во една година од буџетот се исплатуваат 3,5 милиони за губење на судски спорови кои се резултат на нечија негрижа и неработење во државните институции, а тие пари би можеле на пример да бидат насочени кон спортот.
Или кога во државните институции не би трошеле десетици милиони годишно на телефонски разговори и само кога би го преполовиле тој износ и тука би се нашле пари за спортот. И додека за спортот нема пари, службениците во државните институции, според ревизорските извештаи, во просек годишно за патни трошоци во земјата и странство трошат 14 милиони КМ, а за гориво уште 10 милиони КМ!
Кога би се решил тој проблем што државните службеници во текот на работното време покрај платата земаат уште и надомести за работа во комисиите, во управните, надзорните и други работни тела, на кои исто така одат од околу 3 милиони КМ и тука и тоа како би се нашле пари за спортот.
Потрошувачката на државните институции
14 милиони КМ за службени патувања
10 милиони КМ за гориво
10 милиони КМ за телефонирање
3,7 милиони КМ за настани и пијалоци (репрезентација)
3,5 милиони КМ на изгубени судски спорови
3 милиони КМ за надомест за работа во комисии и други тела
Додаток за деца и сопружници
Во контекст на горенаведеното дека власта знае да си овозможи но само за себе, интересен е податокот дека за годишен додаток за децата и сопружниците на шефовите на дипломатско конзуларните претставништва на БиХ во светот во 2013 година се исплатени 466.184 КМ речиси половина од износ вкупен за издвојување за спортот во една година. И овие средства се исплатуваат редовно од буџетот, а овие денови треба да се објават податоците и за 2014 година, пишуваат босанските медиуми.