Кредитната агенција „Фич“ го потврди постоечкиот кредитен рејтинг на Македонија ББ + со стабилна прогноза.
Фич ја намали прогнозата за раст на БДП на 0,5 отсто.
Краткорочниот рејтинг, според соопштението на агенцијата, е оценет со Б. Фич анализира дека Македонија има добар баланс на ниска инфлација, умерен буџетски дефицит и низок јавен долг како и банкарски систем кој е добро капитализиран, наспроти високата стапка на невработеност, ограничената флексибилност на фискалната политика и релативни полтички ризици.
Според Фич, евентуално решение на спорот со Грција и влез во ЕУ ќе доведе до позитивни движења на кредитниот рејтинг, а етничките тензии можат да го однесат рејтингот надолу.