Претседателот на романската национална Агенција за транспарентност денеска поднесе оставка, откако вчера беше притворен од антикорупциските обвинители заради злоупотреба на службената положба, пренесоа романските медиуми.
Националната Агенција за транспарентност во Романија ја проверува имотната состојба на државните службеници и издава решенија за конфликт на интереси и неспоивост на определени функции.
Претседателот на агенцијата, Хорија Ѓорѓеску, вчера беше уапсен заради тоа што во 2008 година, додека работел во бордот на државна институција, која се занимавала со враќање на национализирана сопственост од комунистите, неовластено ја зголемувал цената на вратениот имот, што државата ја чинело 75 милиони евра.
Ѓорѓеску ги негира обвиненијата.