Вечерва беше отворен трговскиот центар Скопје Сити Мол на вкупна површина од 90.000 метри квадратни.
ВО него се сместени некои од најголемите светски брендови, а за прв пат во Македонија Скопје Сити Мол ги носи Бершка, Масимо Дути, Зара, францускиот гигант Карфур и кино операторот Синеплекс.
Скопје Сити Мол планира да стане најуспешен шопинг центар на Балканот со околу 7,5 милиони посетители во првата година на работата.
Ова е прва инвестиција на Балфин групацијата во сектор за недвижнини во Македонија. Вкупната инвестиција во трговскиот центар е повеќе од 100 милиони евра и ќе овозможи 2000 нови вработувања.
На отворањето беше присутен речиси целиот државен врв.