Хонорарци, здруженија, актери, граѓани незадоволни од најновите измени на законите со кои се наметнуваат нови давачки се собираат во Жена парк за да го изразат своето незадоволство од решението на власта за плаќањето придонеси за хонорарите.
Носат транспаренти на кои пишува:„Даночниот систем се претвори во пекол“, „Што знае дете што е 35%, земи и носи’, „Сите сте мафија“и барабани со сликата на премиерот.
Колоната ќе се движи од Собрание до Министерство за труд и социјална политика, од тука до Владата и на крај до Автономната зона на УКИМ.
Потписниците на Повелбата за солидарност за заштита на работничките права, граѓански здруженија, активисти и поединци ги отфрлаат најавите за измени на законите за придонеси за хонорарна работа и бараат:
– Да се повлечат законските измени со кои се воведува плаќање на придонеси од задолжително социјално осигурување за хонорарите
– Преку засилени инспекции на Инспекторатот за труд да бидат отстранети случаите на прикриен работен однос, односно на наметнатото вршење работа без договор или врз основа на договор за дело, при што на работниците не им се плаќаат придонеси од задолжително социјално осигурување
-Да се укине највисоката месечна основица за пресметување и уплата на придонесите од плата која сега изнесува 6 просечни плати.