Во петок, во 18 часот, на Централен одбор, СДСМ ќе одлучи кога ќе се објави бомбата, одоговри денеска на новинарско прашања портпаролот на партијата, Петре Шилегов.
Тој, на прес-конференција, кажа и дека забраната за која зборува Јавното обвинителство (ЈО) не се однесува на докaзите со кои располага СДСМ и кои ќе бидат објавени пред јавноста. Исто така, таа не се однесува на медиумите што ќе ги објават доказите кои СДСМ ќе ги презнтира.
– Сметаме дека конфузното соопштение на Јавното обвинителство не е ништо друго освен јалов обид да се спречи објавувањето на доказите и на документите за криминалното владеење на Никола Груевски и на неколкумина поединци околу него. Законот за кривична постапка не забранува објавување материјали што можат да бидат предмет на понатамошна истрага – рече Шилегов.