Новиот американски амбасадор во Македонија, Џес Бејли, денеска се обрати со видео порака во која вели:
Здраво!
Јас сум Џес Бејли, новиот американски амбасадор во Република Mакедонија. Чест ми е, а и на моето семејство, што ќе бидeме во Mакедонија во наредните неколку години.
Повеќе од 20 години, Соединетите Држави и Македонија градат динамично партнерство. Јас имам намера да ги зајакнам нашите односи, и да и помогнам на Македонија да го реализира својот потенцијал како динамична, мултиетничка и просперитетна демократија, целосно интегрирана во евроатлантската заедница.
Веќе 29 години работам како дипломат во Европа, на Блискиот Исток, во Африка и во Азија. Јавната служба е значајна за мене и за моето семејство. Јас и мојата сопруга Кејпи се запознавме кога работевме во Амбасадата на САД во Сенегал. Нашиот сит Ноа е студент и кога ќе дипломра ќе стане офицер во Морнарицата на САД.
Мојот пат кон дипломатијата започна кога имав 16 години и кога заминав во Франција на едукативна програма за размена. Таа година во мене се всади трајната вредност на градење односи и пријателства помеѓу луѓето од разни земји, а не само помеѓу владите. Еден од моите приоритети ќе биде развивањето на тие врски помеѓу учениците, студентите и младите од нашите земји.
Јас и моето семејство со нетрпение чекаме да ја истражиме богатата традиција и природните убавини на Македонија. Желни сме да скијаме и да се качуваме по планините на Македонија, како и да се прошетаме по брегот на Охридското и на Дојранското езеро. Исто така, сакаме да научиме повеќе од вас, луѓето на оваа прекрасна и историска земја.