Да одиме по сериозноста, најнапред за Зоран Верушевски. Согласно информациите коишто се достапни во јавноста, како и од исказите на адвокатот на господинот Верушевски, станува јасно дека претресот во неговиот дом е направен под сомнеж за шпионажа.
Но, потоа, господинот Верушевски е осомничен за нелегално поседување оружје и наводно прикажување порнографски материјал на дете. И последното, мерката притвор му е изречена само и исклучиво за нелегално поседување на оружје.
Ова говори дека во случајот на господинот Верушевски се работи за монтиран политички случај.
Раководството на СДСМ нема блиски контакти со господинот Верушевски. Но, тој е поранешен висок државен функционер. Социјалдемократскиот сојуз на Македонија внимателно го следи развојот на неговиот случај. Доколку институциите брзо не го расчистат хаосот околу Верушевски од партијата ќе следи соодветна реакција, рече Верушевски.
