13-годишниот Јован Гогов од Ваташа го фати Светиот Крст во водите на браната Моклиште кај Ваташа, каде традиционално ваташани го слават Водици.
– Прв пат се обидов и мило ми е што имав најмногу среќа, рече Гогов.
Вкупно шестмина се обидоа први со пливање да стигнат до крстот а за сите нив градоначалникот на Кавадарци Александар Панов обезбеди бањарки.
Гогов доби телевизор од општината Кавадарци но и уметничка слика и столица за на компјутер од спонзори.