Претседателот на Република Српска Милорад Додик смета дека е сосема природен стремежот Хрватите да формираат трет ентитет во БиХ, јави Танјуг.
Тој се согласува со изјавата на новоизбраната претседателка на Хрватска Колинда Грабар-Китаровиќ во која и таа ја поддржува идејата, додека некои партии во Федерацијата БиХ оценуваат дека создавањето трет ентитет би ја загрозило земјата.
Во врска со изјавата на Китаровиќ за тоа дека би поддржала основање трет ентитет, доколку тоа го предложат претставниците на хрватскиот народ, Додик напомена дека тоа не е нова идеја.
Тој затоа ја смета изјавата на Грабар-Китаровиќ како разумна и очекува дека таа ќе прифати се што е реалност во БиХ, а тоа е договор на трите конститутивни народи.