Екипата на Барселона ја оствари највисоката победа и е на чекор до пласман во следната рунда на шпанскиот куп откако синоќа на „Камп Ноу“ го победи Елче со 5:0 на еден од двата дуела со што беа комплетирани првите натпревари од осминафиналето на ова натпреварување.
Нејмар беше страелец на два гола, а по еднаш мрежата на противиникот ја затресоа: Луис Суарез, Лионел Меси (пенал) и Жорди Алба.
На вториот натпревар одигран синоќа Севиља победи на гости кај Гранада со 2:1.
На другите натпревари беа постигнати следниве резултати: Алмерија – Хетафе 1:1, Валенсија – Еспањол 2:1, Атлетико Мадрид – Реал Мадрид 2:0, Виљареал – Реал Сосиедад 1:0, Малага – Леванте 2:0 и Селта – Атлетик Билбао 2:4.
Реванш натпреварите се играат од 13 до 15 јануари.