Во Пном Пен, пред судот за воени злосторства основан од Обединетите Нации, денеска продолжи процесот против Кие Сампан и Нуон Чеа, обвинети за познатиот геноцид во Камбоџа за време на владеењето на Кмер руж, од 1975 до 1979 година, кога настрадаа над милион и 700 илјади противници на комунистичкиот режим.
Кие Сампан ( 84 ) и Нуон Чеа ( 89 ) се меѓу ретките преживеани автори на настаните во Камбоџа кои ја потресуваа светската јавност. Нивното судење, започнато формално пред пет години, повеќе пати е одложувано поради влошување на здравствената состојба, а често и поради бојкот на нивните адвокати.