Дваесет и едно училиште во девет окрузи во Романија денеска беа затворени поради лошите временски услови, а 14 од нив утре ќе ја продолжат наставата, соопшти романското Министерство за образование.
Поради студот и снежните врнежи останале затворени пет училишта во округот Клуж, четири во округот Јаш, по три во окрузите Васлуј и Алба, две во Сибиу и по едно во окрузите Браила, Муреш, Јаломица и Сучава.
Образовните инспекторати соопштија дека загубените часови ќе се одржат дополнително во следниот период.