Преставниците на синдикалните здруженија се незадоволни што министерот за труд и социјална политика, Диме Спасов не ги прими на средба за да разговараат за новиот закон според кој хонорарците ќе плаќаат здравствено и пензиско осигурување.
Преставници на синдикалните здруженија, невладините организации повикаа на протест во понеделник во 12 часот.
„Да не те повика некој на разговор само го покажува демократскиот капацитет и мислам дека се ближи денот кога гневот на граѓаните и револтот мора да се искаже на улица“, изјави Маријан Ристевски.
Новинарот Ѕвездан Георгиевски смета дека законот носи многу бенефити за газдите но и не за работниците. Според него законското решение од кое владата не отстапува овозможува на работникот да му се трансформира работниот однос во хонорарен ангажман и да не ужива никакви права.
„Парите од придонеси ќе одат во првиот пензиски столб што значи дека не е да се обезбедат новинарите за пензија туку идејата е да се спаси од банкрот фондот“, рече новинарот Ѕвездан Георгиевски.
Од здружението „Ленка“ уште еднаш повторија дека законот е против уставен со самото тоа што именувани функционери, пратеници, судии, поротници се ослободени од овие давачки или сите оние на кои државата треба да им плати пензиско и здравствено за хонорарниот ангажман.
„Пензионерите овој закон ги привелигира. Не знаеме зошто, иако претпоставуваме дека се сигурно гласачко тело за секоја власт па така и за оваа и со овој закон се купува нивната послушност до следни избори. Функционерите си се изземаат од овие законски измени и тика е парадоксот“, изјави Дејан Лутовски од Ленка.
Законот ќе стапи на сила од 1-ви јануари а освен министерот Спасов поддршка даде и првиот човек на ССМ Живко Митрески.