Околу 200 учесници на Парадата на гордоста прошетаа денеска на улиците на главниот град на Црна Гора, Подгорица.
Настанот мина без инциднети, а собирот го обезбедуваа над 2.000 полицајци.
Парадата со слоганот „Традиционално горди“ почна во 11 часот, минувајќи пред поранешната зграда на владата и државниот параламент, каде со концерт заврши третиот јавен собир на ЛГБТ популацијата во Црна Гора.
На парадата учествуваа голем број претставници на Владата, градската управа, дипломатски претставници и невладини организации.
Извршниот директор на ЛГБТ Форумот прогрес Стеван Миливојевиќ оцени дека ЛГБТ лицата во Црна Гора се видливи и горди, но дека таа гордост со себе носи омраза, презир, дискриминација и напади.
Првата парада на гордоста во Црна Гора е одржана на 24 јули 2013 година во Будва.