Неколку илјади членови на синдикалните организации се собраа денеска на митинг пред зградата на Владата во Киев во знак на протест против ниските плати и укинувањето на работните места.
Демонстрантите носеа транспаренти со пароли како „Не на сиромаштијата во Украина“, „Запрете ја антисоцијалната агресија“, „Реформи во интерес на луѓето, а не на олигарсите“.
Протестот мина мирно, а зградата беше обезбедувана од десетици полицајци.
На Општоукраинскот форум на синдикатите во неделата беше упатен повик кон Владата да не дозволи кратење на работните места, затворање на државни претпријатија и зголемување на цените на производите, а исто така беше побарано и исплаќање на задоцнетните плати и на социјалната помош.