Новиот бран насилство меѓу армијата и проруските сепаратисити во источна Украина го доведува во прашање примирјето меѓу двете страни постигнато на 5 септември, изјави денеска портпаролот на американскиот Стејт департмент, Џен Саки.
Таа воедно ја повика Русија да го искористи своето влијание врз сепаратисите за да ги натера „под итно да прекинат со своите напади“.
Саки информира дека американскиот државен секретар Џон Кери денеска имал телефонски разговор со рускиот министер за надворешни работи Сергеј Лавров, при што ја изразил загриженоста на САД од зголеменото насилство во источна Украина.
Портпаролката на Стејт департментот нагласи дека разговорот меѓу Кери и Лавров траел 10 минути.