Општина Ѓорче Петров почна со изградбата на втората фаза на патот од Волково до село Орман. Ќе се изведуваат градежни работи на потегот од училиштето „Јоаким Крчовски“ кон село Орман.
Коловозот ќе биде широк седум метри, а ќе има и банкини од двете страни со широчина од едно метро. Истовремено ќе се работи и на поврзување на ООУ „Јоаким Крчовски“ на канализациската мрежа.
Од општина Ѓорче Петров велат дека доцнењето со изведбата на оваа делница е заради решавање на имотноправните работи со сопствениците на мал дел на земјиштето каде што треба да помине патот. Средствата за реализација на проектот се обезбедени од Агенцијата за рурален развој и општинскиот буџет.