Воениот оркестар на АРМ синоќа првпат со свој настап на градскиот плоштад се претстави пред граѓаните на Гевгелија.
На концертот присуствуваа околу шестотини граѓани кои вистински уживаа во едночасовниот концерт на Воениот оркестар, кој настапи со изведба на филмска музика, соопшти денеска МО.
Граѓаните на Гевгелија биле посебно воодушевени и од презентацијата на вештините во работа со оружје од страна на припадниците на баталјонот за почести, кои пред концертот ја изведоа точката ,,ЕГЗИРЦИР“.
Промотивниот концерт на Воениот оркестар синоќа во Гевгелија е трет по ред од планираните концерти во 2014 година, во рамки на проектот за приближување на АРМ до граѓаните во Република Македонија.
Ова е, се посочува во соопштението од МО, одлична прилика и за јакнење на соработката на Армијата со локалната самоуправа во Република Македонија, особено во градовите каде АРМ нема гарнизони.