Над 2.400 борци од украинските сили за безбедност, кои учествувале во воената операција против проруските сепаратисти во источна Украина се заробени или се водат како исчезнати, објави денеска преку Фејсбук, Ирина Герашченко, помошничка на украинскиот претседател за прашањето за ситуацијата во источните области.
Таа додаде дека податоците се доставени од центар при Службата за безбедност на Украина, кој се занимава со ослободување на заробеници и потрага по исчезнати лица.
Герашченко истакна дека во центарот е отворена „црвена линија“ и блиските на лицата кои се заробени или исчезнати треба преку неа да достават информации за нив.