Украина не располага со неопходните количества вакцини и има итна потреба од хуманитарна помош, алармира Светската здравствена организација.
Според СЗО, уште пред кризата имаше недостиг на вакцини во Источна Украина.
Во земјата има и недостиг на лекарства, додаваат од организацијата.
СЗО стравува од веројатноста од избувнување епидемии од полиомиелит или рубеола.
Организацијата и нејзините партнери ќе ги зголемат напорите за доставување лекови и хируршки материјали за 340.000 лица.
Во средината на август СЗО побара 14 милиони долари, за да одговори на потребите на Украина. Според портпарол на организацијата досега се добиени едвај 40.000 долари.