Околу две илјади руски војници загинаа досега во конфликтот во источна Украина, изјави портпаролот на украинските воени сили Андриј Лисенко.
– Засега не е можно оваа бројка да биде потврдена од независен извор. Русија демантира дека испраќа свои војници во Украина за поддршка на проруските сепаратисти, кои се борат против владините сили. Киев и западните земји велат дека има цврсти докази за директно учество на руски војници во борбите во источна Украина.
Над сто офицери загинале во југоисточна Украина за време на специјалната операција на Киев, изјави советникот на министерот за одбрана на Украина, Олександар Данилук.
– За време на спроведувањето на антитерористичката операција загинаа 114 офицери, од кои 15 полковници, 16 мајори, 36 капетани. Ранети се 237 офицери, од кои 19 полковници, 43 мајори, 72 капетани, додаде тој.
Претходно украинскиот претседател Петро Порошенко призна дека украинските војници плаќаат скапа цена за борбените дејствија во Донбас. Тој прецизираше дека во т.н. Доњецка народна република за време на специјалната операција загинале најмалку осум илјади припадници на силите за безбедност, а бројот на ранетите е повисок.