Украинскиот претседател Петро Порошенко очекува дека контакт групата за Украина на состанокот во Минск в петок ќе го означи почетокот на мировниот процес во Украина во согласност со спогодбата, која беше постигната меѓу него и рускиот претседател Владимир Путин.
– Искрено се надевам дека мировниот процес конечно ќе почне в петок во Минск, рече Порошенко.
Тој истакна дека украинскиот народ целосно го поддржува мирот, „додека политичарите сакаат да си играат војна“.
Претставници на Организацијата за безбедност и соработка во Европа (ОБСЕ), на Украина и Русија в петок во Минск треба да одржат нови преговори за ставање крај на конфликтот меѓу новите украински власти и проруските бунтовници во источниот дел на земјата, кој изби пред шест месеци.